На конститутивна седница во општинската сала беше конституиран новиот Совет на Општина Кратово. На свечената седница се изврши верификација на мандатот на членовите на новиот состав на Советот на Општина Кратово, по што новите членови на Советот дадоа свечена изјава.

Седницата како што е предвидено во Статутот на Општината ја предводеше највозрасниот член на Советот, Стојан Миланов.

Советот на Општина Кратово има 15 членови, 10 од редовите на Коалицијата „За Подобра Македонија“ и 5 од Коалицијата „Сојуз за иднината“.

За Претседател на Советот на Општина Кратово е реизбран Сашо Георгиевски.