Земјоделец од кратовското село Куклица вчера несреќно го загубил животот откако трактор го поклопил додека ја орал нивата.
Станува збор за Аце Илиевски (роден 1958), кој настрадал додека ја обработувал нивата во атарот на селото, кога од засега непознати причини тракторот се превртел и го поклопил. Илиевски добил тешки повреди и починал веднаш.
Неговото тело под превртениот трактор го пронашле соселани, кои веднаш повикале полиција.
Ова е втор случај во Куклица за период од два месеци во кој локални жители загинуваат од својот трактор.
